१० मुक्तक
१ धोका दिने क्रममा दानी को भएन? तारा रातको भयो बिहानीको भएन। बर्षौँदेखि तिमीलाई राम्री देखिरहने, बिग्रिएको मेरो आँखा निको भएन। २ जरा त तेरै होला,गमला छ मसँग। भ्रमरले पनि सम्बन्ध चला,छ मसँग । ए फूल ! पत्थर बन्न मन्जुर छैनस् ? याद राख् देवता बन्ने कला छ मसँग । ३ बिन्ति दैव! नगर भुल सेतो हुनेछ । जीबन रङ्ग्याइदिने कबुल सेतो हुनेछ । साथी मलाई सकुशल घर पुर्याइदेओ, नत्र घरमा एउटा फूल सेतो हुनेछ । ४ प्रकास छेकेर पनि मेट्न सम्भव थिएन । आफैँबाट टाढा लखेट्न सम्भव थिएन। हुन त तिमी मेरै छायाँ बनेकी थियौ, अफसोच! मैले नै भेट्न सम्भव थिएन । ५ सबै अपराध हत्या हिंसाको खाका बुद्धसँग हुन्छ । जस्तै चोरले उता ताल्चा खोल्छ चाबी मसँग हुन्छ । प्रेममा त के आफ्नै अस्तित्वमा पनि शङ्का छ , मैले मान्छे भनेर बोलाउछु ऊ उता झसङ्ग हुन्छ । ७ पोलेको छ छाती भतभत लेखेकी थियौ । भएको छ हाँसो जफत लेखेकी थियौ। खै! किन हो मुखले बिदाई भन्यौ, तर आँखामा त स्वागत लेखेकी थियौ । ७ कहिले जिस्क्याएझैँ कहिले चिमोटे जस्तै लाग्छ । छातीमा करौँतीले खिले चिमोटे जस्तै लाग्छ । मैले काँडा मन पराउनुको एउटै कारण छ , काँडाले घोचे ...
